خطوة رقم 49 : حياتك بتضيع

الضياع

 

حقائق غريبة عن غابة البشرية : غلطة البشر الأساسية

من أعظم أمثلة الخداع النفسي عند البشر هو إدعاءهم بتحكمهم في نفسهم  في نفس الوقت اللي حياتهم بتضيع قدام عيونهم. فيرنون هاورد

تعليقي :

لو أنت في وسط عاصفة رملية , والعاصفة دي قوية جداً و عندها القدرة أنها تنهي حياتك لو قعدت فيها فترة كبيرة , طبعاً الطبيعي لو أنت في صحراء و قابلك حاجة ذي كده , أول حاجة هتعملها لو العاصفة لسه قدامها شوية و تعدي علي المكان اللي أنت فيه أنت و أهلك أو اللي قريبين منك مثلاً , أول حاجة هتعملها هتشوف مكان تحتمي بيه من العاصفة دي ,و بعد لما تلاقي حاجة تقدر تستحمل هتبدأ تقول لأهلك , يا جماعة يلا بسرعة عشان في عاصفة رملية جاية و لو عدت علينا ممكن نتخنق جواها و نموت فا يلا بسرعة .

و بس هتدخلوا جوا بيت و تقفلوا كل حاجة كويس عشان مفيش أي حاجة تدخل و خلص الموضوع , و هتكونوا في أمان جوا بيوتكم .

لكن لو في حد مصدق أنه يستحق أن العاصفة دي تخنقه أو أنها مفيدة ليه أنه يكون جواها عشان بتشجعه مثلاً يعمل حاجة معينة , أو أنه مش عارف أصلاً أن دي عاصفة و مش عارف أنها خطيرة عليه , و من هنا بيفضل واقف قدامها و جواها عادي ؟

الطبيعي أنه لازم يتأذي و يتعذب و ممكن يموت كمان جوا العاصفة دي , و من هنا عدم وعيه أو إعترافه بإنها عاصفة , أو إعتقاده بأنها مفيدة ليه هو سبب ضياع حياته .

بعد إذنك هو إحنا بنتكلم علي أيه بظبط 😀

إحنا بتكلم علي العواصف النفسية اللي بتعدي جوانا ذي القلق أو الغضب أو الضيق أو الوحدة أو الكره النفسي أو الناس الخ الخ .

في الحقيقة كلهم ممكن يكونوا بسبب أسباب كتير , بس عموماً النتيجة واحدة عاصفة بنفضل واقفين جواها و مش عارفين ازاي نحمي نفسنا منها بسبب عدم وعينا بأننا جواها أو إعتقادنا إنها مفيدة .

ممكن تديني مثل ؟

طبعاً , مثلاً ازاي في ناس كتير بتستخدم القلق اللي مبني علي أوهام عشان يشجعهم بإستخدامهم الخوف , لو أنت في قمة الخوف في موقف محدد هتكون دماغك صافية عشان تاخد قرارات موزونة و صحيحة بحكمة , و لا القلق النابع من الخوف ده ادي لوجود وزن فوق الوزن الأصلي ؟

أو العاصفة اللي بتنتج من الإحساس بالذنب لأنك مش قلقان أو فاكر لو أنت مش قلقان يبقي أنت كده مش بتعمل اللي عليك و من هنا بقي قلق و إحساس بالذنب , و كمان إحساس بالذنب لو محققتش اللي المفروض أن أنت تحققه , و طبعاً ده بيضم حاجات كتير !

و من هنا ده بيوضح ببساطة ازاي بنزنق نفسنا في مكان صغير جداً مليان عواصف صعبة و نقعد جواها , و بعد كده نشتكي من حياتنا و أننا مش لاقيين مفر و إحنا اللي عاملين كل ده في نفسنا, و حتي الشكوي تعتبر نوع تاني من العواصف اللي فوق كل دول.

طب و أيه الحل عشان نعرف نحتمي من العواصف دي ، هنروح فين ؟

أول حاجة أي حد بيفكر فيها أنه يحارب العواطف دي كأنها عدوه , و ده مش بيعمل أي حاجة غير أنه يخليها تسوء عليه أكتر لأنه بقي متغاظ و بيحارب بكل قوته العاصفة , و كمان العاصفة اللي موجودة كمان بتخنقه , و عشان كده ده مش صح .

و الصورة دي بتترجم بأنك بتحاول تتخلص من العاصفة اللي بتعدي جواك سواء كان قلق أو عصبية أو خوف أو شهوة الخ الخ .

أمال أعمل أيه عشان تروح ؟

أعمل المنطقي ذي القصة اللي حكيناها فوق .

الراجل دور علي مكان يحتمي فيه أو راح لبيته , و قفل كل حاجة و إحتمي ببيته , و خلي العاصفة تعدي براحتها خالص لغاية لما تخلص و بعد كده , و من هنا ولا قاومها لأنه تصرف مجنون عشان مستحيل يتحكم فيها , و ثانياً مفيش حاجة أذيته .

جميل طب أعمل كده ازاي , فين المكان اللي هأحتمي فيه ده ؟

لو أنت لاحظت الأفكار بتطلع في دماغك و بعد كده بتختفي , و تطلع واحدة تانية مكانها , نفس الكلام المشاعر , لكن اللي الوعاء اللي بيخليك تحس بيهم هو وعيك .

و من هنا اللحظة اللي تظهر فيها عاصفة من دول ذي الغضب  , أول حاجة تعملها ما تقاموش و تحاول تتحكم فيه لأن ده هيزودوا أكتر . عشان تحتمي في بيتك , خليك واعي بجسمك كله و المكان اللي الإحساس بتاع الغضب بيطلع فيه , و ركز علي وعيك , و في نفس الوقت علي الغضب ده و رحب بيه كأنك بترحب بصديق أو كأنك خلاص قاعد جوا بيتك و ما بقاش في دماغك العواصف لأنك خلاص محتمي منها , فا راحت أو جت عادي , و هو ده الترحيب الداخلي في وعيك اللي المفروض تتعلمه .

 لو عملت ده , هتبدأ تلاقي الإحساس بدأ يدوب و يتحرك كأنه إحساس عادي مش مميز , و العاصفة هتعدي و هتخلص كأنها ما كانتش موجودة ذي ما الأفكار بتظهر و تختفي .

و من هنا لو أنتم لاحظتم أن المقاومة للعاصفة هي كانت دايماً سبب كل المشاكل , و عشان كنا في البوست ده إتعلمنا أهمية الوعي و ازاي أن طبيعة الوعي الترحيب بكل حاجة , و ازاي أن ده بيكسر و بيدوب اي مشكلة ممكن تقابلنا , لأن كل حاجة بتواجهنا في الحياة في الأخر بتترجم في دماغنا علي شكل أفكار و مشاعر .

About Ahmad Salahudin

La Ilaha Ila Allahu
هذا المنشور نشر في 1-حقائق غريبة عن غابة البشرية. حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s