خطوة رقم 43 : في الظلمات

ضلمة

 

 :حقائق غريبة عن غابة البشرية : غلطة البشر الأساسية 

الإنسان الغير ناضج عامل ذي الطفل المرعوب ، لوحده في أوضة ضلمة , و مش شايف زرار النور اللي جنبه . فيرنون هاورد .

تعليقي :

العدم النضج و الضلمة و الرعب  , أيه هو العامل المشترك اللي ما بينهم ؟

الجهل

و ازاي زرار النور اللي في الأوضة ممكن لو إتداس عليه , كل الضلمة دي تختفي لو أحنا بنتكلم عن الحياة اللي أحنا فيها , ازاي بالسرعة دي ؟

ببساطة لو أنت بتدور في المكان الغلط بقالك خمسين سنة أو ماسك في كشاف نور بحجارة , و الحجارة كل شوية بتخلص متوقع أيه ؟ أفكارك القديمة عن النور المفروض يكون عامل ازاي هي الحاجز أنك تبص جنبك و تلاقي الزرار و تدوس عليه و تحل المشكلة , و كل المشاكل علي فكرة هي نفس الحاجة لما تفهموا الحقيقة دي , لأنهم كلهم مصدرهم المعتقدات و العقل .

طب ازاي أدور في الأتجاه الصح ؟

أنت طول عمرك بتهرب من الضلمة , و عمر ما الموضوع ده جاب نتيجة , قابل الضلمة :كأنك بتدرسها فعلاً و بتحقق و تشوف هي عبارة عن أيه و أيه اللي كان راعبك منها , و كل ما تقرب أكتر , هتبدأ تتعود علي الظلمة و من هنا لأول مرة هتشوف مفتاح النور قدامك و هتدوس عليه و المشكلة هتتحل , و بعد كده تطلع من الأوضة دي تلاقي أوضة جديدة كلها ضلمة , و تفتكر أن الأوضة دي مافيهاش مفتاح نور , و تقع في نفس الغلطة و تخاف من الضلمة , و بعد كده لما تعمل ذي ما عملت و تبدأ تدرس الضلمة و تشوف أيه اللي خوفك منها و هي عبارة عن أيه , هتوصل أنها كانت بظبط ذي الأوضة التانية , و هتفضل فترة كبير من أوضة لأوضة لغاية لما تكتشف الحقيقة الكبري أن كل الأوض ديه كانت متوصلة ببعض و كلهم ذي بعض , بس أنت كنت لسه مش عارف كده , بس دلوقتي أتأكدت أن الحاجة الوحيدة اللي كانت بتخليك ما تلاقيش الزرار هو أنك كنت بتهرب و بتخاف من الظلمة و أفكارك المرعبة من ناحيتها , و لما قربت منها و درستها عرفت أن مافيهاش أي حاجة تخوف , و أنت كنت مصدر الخوف .

و من هنا الخطوة دي بتدعونا أننا نعمل كده بظبط مع أي مشكلة في حياتنا أننا ندرسها و بدل ما نخاف منها نحاول نفهم أيه مصدر المشكلة , أفكاري ولا الشخص اللي قدامي (يفضل ترجعوا لخطوة رقم 30) و بعد كده هتفهموا فعلاً أن عدم رؤية الزرار كانت بسبب خوفنا الغير منطقي .

About Ahmad Salahudin

La Ilaha Ila Allahu
هذا المنشور نشر في 1-حقائق غريبة عن غابة البشرية. حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s