خطوة رقم 39 : أنت مسبب التضارب الفكري و اليأس اللي أنت فيه مش الحياة

تضارب

 

 

حقائق غريبة عن غابة البشرية : اللي ما بيلاحظوش الملايين :

التضارب الفكري و اليأس بيسكنوا جوا الأنسان بنفس الدرجة اللي ما تقدرش توصفله بيها طبيعته ذي ما هو فعلاً . فيرنون هاورد .

تعليقي :

يعني أيه التضارب الفكري و يعني أيه اليأس ؟

التضارب الفكري لما يكون في كذا أختيار أو كذا طريق أو كذا فكرة قدامك , و مش متأكد اني  واحدة منهم هي الصح, و من هنا قاعد طول الوقت بتفكر طب أعمل كده ولا ما أعملش كده , و الأدهي لما تكون صفة في نفسك , و مش واعي بيها أساساً , و أيه سبب كل ده هنعرف .

اليأس , هو توقع أن حاجة معينة المفروض كانت تحصل , و بعد كده اللي أنت عايزه ما يحصلش بمقدار معين عشان أستنيت كتير أو حاولت كتير , و من هنا فقدت كل الأمل , و بقيت متدمر من جوا , و مش عايز تعمل أي حركة , و مش بعيد تكون طول اليوم مكتئب و بتشتم في نفسك من جوا , و شايف أن عشان ده ما حصلش أنت ممكن تكون عديم القيمة….الخ الخ .

و أيه علاقة الحالتين دول برفض الأنسان أنه يتقبل الأنتقاد من اللي قدامه أو كرهه لده ؟

لأنه متخيل أن الحقيقة عن تصرفاته أو طريقته أنتقاد مش حقيقة .

 بمعني أنه فاكر أنك مش بتحبه في اللحظة دي , فا عشان كده بتنتقده .

طب و أيه اللي بيخلينا نعمل كده ؟

لأننا بنكون فاكرين أن كل الناس شايفة الدنيا بنفس الطريقة اللي أحنا شايفينها , و نفس المقاييس اللي عايشين بيها , و مصدقين كده بعمي , و من هنا لما حد بيقول أي حاجة مختلفة عن اَرائنا عن نفسنا و عن العالم اللي حوالينا , الطبيعي أننا بنحس بعدم الأمان لأن فكرته هددت المعتقد اللي أحنا متمسكين بيه من ناحية الدنيا المفروض تكون عاملة ازاي , و من هنا أنت بتهدده هوا شخصياً و لما شخص بيحس بعدم الأمان بيعمل أيه ؟

بيخاف و الخوف بيؤدي للهروب أو المواجهة .

و دي قصة معظم الناس في المجتمع .

طب و أيه برضه علاقة كل ده باليأس و تضارب الأفكار ؟

ببساطة لازم أولاً تعرف أن الأتنين دول عاملين ذي جحيم الأفكار بظبط , علطول بتكون مشوش فيهم أو بتكره نفسك و مش عارف تستريح , و كل ده بسبب عدم تقبلك لأي رأي تاني , عشان أنت مصدق معتقدك بس و أي حاجة تانية , شكراً , كأنها مش موجودة أصلاً في الوجود .

بمعني مثلاً واحد مكتئب , تقولوا أن الذكر بيخلي الأكتئاب يروح , يقولك و نعمة بالله , و الكلمة تطلع من الناحية التانية .

أو تقوله جرب تتحدي فكرتك اللي عاملة ليك المشكلة و تتأكد منها , يقولك أن شاء الله , و يطلعها من الناحية التانية .

واحد مش عارف يشتغل أيه و مش عارف يلاقي نفسه , واحد يقوله جرب دي , أنت بجد هتكون أستاذ فيها , لا يا عم ما بحبش الموضوع ده و مش عايز أدخله , يا بني أنت أصلاً عمرك جربته ؟ لأ بس أنا حاسس أني مش هأنفع فيه عشان خاطر …

و أيه اللي بيحصل بعد كده

يرجع الشخص ده لنفس المرحلة اللي كان فيها , و يقعد يشتكي , و يقول ليه يا ربي أنا حظي كده , أنا طول عمري هافضل كده , ليييييه

و هو أصلاً مش متفتح حتي لأي فكرة تانية و عايز يفضل ذي ما هو بظبط , لولا أنه في خمسين حاجة كان ممكن يدخل فيها جديدة و هتحل ليه كل مشاكله , لأن مفيش مشكلة موجودة غير و جواها حلها , ده للي فعلاً متفتح .

و من هنا درس النهاردة , هو أنك تفتح عقلك للأفكار الجديدة أو حتي المألوفة من اي شخص , حتي لو في قمة الهيافة , و أولاً تقوله أنت ممكن يكون كلامك صح , أن شاء الله هنشوف شكراً عالنصيحة , و بعد كده فكر فيها بجد كأن النصيحة دي جاية ليك من ربنا , لأن مستحيل تكون وصلت ليك من غير ما يكون مكتوب أنك تسمعها , و بعد كده بكل جدية قول أنا أقدر أتأكد مية في المية أنها مش غلط ؟

و لو ما عندكش طريقة , يبقي خليها معاك , و حاول تجربها في أقرب وقت ممكن , لو ما تنطبقش , حاول تاني لغاية ما تتأكد , و بعد كده أرميها , لأن ساعات في أنتقاد من الناس بسبب نفوسهم , و ده موضوع تاني , بس بعد لما تعمل كده , هتكون أقل حاجة عندها القابلية أنها تغيرك , و في نفس الوقت , هتوصل أن التضارب الفكري و اليأس كنت أنت سببهم بسبب أنك مقفول علي نفسك و العالم الخيالي اللي أنت فيه , و مش عايز تفتح نفسك علي أي فكرة جديدة و بتكدب علي نفسك , لأنك فعلاً بتقول كده و مش عايز كده .

و من هنا العبرة من كل ده التفتح و الأستقبال للجديد , و لو مش عاجبك , جربوها و مش هتندموا .

About Ahmad Salahudin

La Ilaha Ila Allahu
هذا المنشور نشر في 1-حقائق غريبة عن غابة البشرية. حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s