خطوة رقم 37 : لو صدقت الغلط هتعاني

غلط صح

حقائق غريبة عن غابة البشرية : اللي ما بيلاحظوش الملايين :

مليون أنسان ممكن يقولوا أن الغلط صح ، بس كلهم هيعانوا من الغلط . فيرنون هاورد .

تعليقي :

أيه اللي هيحصل دلوقتي لو في بظبط أكتر من 100 مليون شخص مصدقين أن نور الشمس ضلمة , و ضلمة الليل نور , و عكسوا النهار ليل و الليل نهار , و فعلاً بيتعاملوا معاهم علي الأساس ده بمعني , لما الشخص ينام في علمه المفروض أنه ينام في الضلمة  اللي هي النور , و يشتغل في نورالشمس اللي هوا الضلمة .

لو ال100 مليون أو حتي 5 مليار صدقوا كل ده , ده هيغير في طبيعة النور و الضلمة , أو الليل و النهار ؟

طبعاً لا

طب لما الناس زمان صدقت أن الأرض سطحية و كانوا فاكرين أنهم لو وصلوا لاَخرها ممكن يقعوا , ده غير في أي حاجة في شكل الأرض ؟

لا طبعاً .

طب في الموقف اللي فوق ده , لو حد فعلاً صدق كده و قلب النهار ليل و الليل نهار , و أفتكر أن النور ضلمة أيه اللي هيحصله ؟

أولاً علمياً نور الشمس بيزود هرمون الصحيان في الجسم , و الضلمة بتعمل العكس , لو أنت قلبت النهار ليل و صدقت أن النور ضلمة , لو حاولت تنام في النهار هيكون نومك متعب عشان متعرض للنور اللي بيصحيك ,و من هنا هتقوم مش نايم كويس و جسمك مكسر و ده لو يوم واحد , لو فضلت مستمر علي كده وقت طويل ممكن تأثر فيك بطريقة جذرية , تجيبلك أمراض أقلها الأرهاق و  , التنشنة , و عدم تركيزك في الشغل و في الحياة  , و طبعاً كل حاجة هتكون مقلوبة بالنسبة لك ، يعني مثلاً لو في مزارع مصدق كده , و العلماء من مكان تاني(مش مصدقين نفس الكدبة) قالوا ليه لازم ما يتعرضش المحصول ده لنور الشمس , عشان القمر هي الشمس بالنسبة له , بدل ما هيحطه في حتة ظل , هيحطه في الشمس , لأن هو ده اللي مصدقه , و من هنا لما معظم المحصول ده يموت , هيقول هو أيه السبب و هيعاني خسارة مادية جامدة بسبب ده .

و تخيل أن المزارع شك للحظة أن العلماء دول كانوا بيفتوا , و قال طب ما أجرب كده أحطها في الشمس ذي ما قالوا و أشوف أيه اللي هيحصل , عشان هوا عاكس الموضوع , هيعمل اللي هما فعلاً كانوا قايلينله عليه , و هيحطه في الظل (اللي هو بالنسبة له الشمس) و من هنا لما يشوف المحصول بينمو , هيتغاظ من العلماء و مش بعيد يسبهم , و مش هيقبل منهم نصيحة تاني , لولا أنه هو السبب , لأنه هوا اللي عاكس كل حاجة , و من هنا برضه هيعاني أكتر , لأنه أتخلي عن مصدر المساعدة بسبب أنه قالب كل مفاهيمه و عاكسها .

و من هنا المثل ده يعتبر أستعارة مكنية لحياة معظمنا , و كتير مش هيصدقوني لما أقولهم أن أحنا عندنا معتقدات بدائية ذي دي كتير جداً متحكمة في حياتنا و بتخلينا نعاني ذي المعتقد اللي فوق , لكن اللي مخلينا مصدقينها هو أن معظم المجتمع مصدقها , و من هنا الظن مش بيغير الواقع , و كلنا بنعاني منها .

و من أكبر الأوهام و المعتقدات , هو وجود الأنا أو النفس , بمعني دلوقتي لو قلتلك أنت مين , الطبيعي أن المفروض يكون في جزء جواك ثابت و ما بيتغيرش بتسميه الشخصية مبني من أفكار و معتقدات و ذكريات و صور , و المفروض أن ده هويتك اللي بتكونك , و طبعاً لو أي حد دور عليه هيلاقيها صح ؟

غلط

ازاي يعني ؟

دور بنفسك , لما تيجي تحدد أي حاجة , أو تعرفها , المفروض هويتها بتكون ثابتة , الرملة دايماً رملة , الجبال دايماً جبال , الكرسي كرسي , الفيروس فيروس , بمعني أن الحاجات دي طبيعتها أو هويتها ثابته و معروف هي أيه , علي الأقل خارجياً .

طب ما الأنسان أنسان صح ؟

صح , لكن في حاجة مختلفة هنا , أن الجسم الخارجي اللي هو كله عضوي , عبارة عن مادة , و المادة ذرة ,و كل حاجة حوالينا بنفس الطريقة , لكن كل ده مش بيمثل اللي بيحصل جواك صح ؟

ازاي ؟

ذي الأفكار , المشاعر , الصور , أو الملاحظة للي حواليك

تمام .

و من هنا لو كل حاجة برا معمولة من نفس الحاجة (الذرة ) يبقي من هنا هتبدأ تدور من جوا علي الهوية الثابتة اللي بتكلم عنها لأنك في الاَخر مش مجرد مادة و بس ؟

تمام

و من هنا هتبدأ تاخد نظرة علي كل ذكرياتك و معتقداتك و أفكارك و مشاعرك , و تشوف أي حاجة فيهم بتمثلك  فعلاً , ولازم الحاجة دي تكون محدد أو علي الأقل طبيعتها ثابتة مش ببتغير , بمعني ازاي يكون واحد بطبيعته بشوش , تكون دي طبيعته لو هو بيتعصب , ما دام في تغير في المشاعر يبقي ما ينفعش نستخدم الأداة دي عشان نحدد هو أيه , و من هنا هنبدأ نشوف حاجة تانية .

و من هنا كلامنا هينتهي , و هيكون واجب النهاردة , أن أنت اللي تدور بنفسك علي الهوية الثابتة دي , اللي أنت فاكر أن أنت دلوقتي متمسك بيها , و أنها فعلاً موجودة , و أبدأ البحث , تخيل أنها ذي لعبة دور علي شلبي بس أنت لسه مش عارف شلبي شكله عامل ازاي , أنت عارف بس أن طبيعته ثابته , و لو وصلتوا لحل , هتكونوا وصلتوا لحاجة أغلبية البشر مش بيوصلوا ليها في مدار حياتهم كلها , و ليها القدرة أنها تغير كل حاجة للأفضل في حياتكم .

طبعاً لو عايزين تشاركوا اللي وصلتوا ليه أو أسئلتكم أتفضلوا .

المرة الجاية هنقول الحل للسؤال ده أن شاء الله .

About Ahmad Salahudin

La Ilaha Ila Allahu
هذا المنشور نشر في 1-حقائق غريبة عن غابة البشرية. حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s