خطوة رقم 35 : أسوء أختيار في الحياة

عنكبوت

 

 

حقائق غريبة عن غابة البشرية : اللي ما بيلاحظوش الملايين :

أسوء قرار في الحياة هو أختيارك للغرور و غفلته مقابل الفرصة أنك تصحي منه . فيرنون هاورد .

تعليقي :

مقولة النهاردة عشان نستوعبها لازم نفهم السؤال ده , لو أنت عندك أختيارين , أنك تعيش في مكان مش مستقر تماماً و ضيق جداً و ضلمة, و ضعيف جداً , في فرصة أنه يتهد لو كان في جو صعب , أو حد يهزه بقوة أو يرمي عليه أي حاجة , سهل أنه يتكسر , و دايماً صعب أنك تحس بالأمان جواه عشان مش قوي كفاية عشات يحميك من تغير الأحوال الجوية حواليك , يأما حران أوي , يأما بردان أوي , دايماً قلقان أن البيت يتهد و تضطر تبنيه تاني , أو أن أي حد يهاجمه , لكن الميزة الوحيدة اللي فيه أنك أتعودت علي الدورة دي , أنك تفضل قلقان طول اليوم , و أنك دايماً تشتكي و تحاول تحمي البيت من كل المتغيرات دي أو حتي بناءك ليه كل مرة يتهد عليك  أو المجهود اللي مش طبيعي عشان تعرف تواصل في عمل كل ده .

 ولا تكون عايش في بيت قوي جداً  العيشة جواه سهلة و مريحة , و البيت واسع جداً و كله منور , و مفيش أي حاجة بتتغير فيه أو بتأثر عليه , مهما كانت الأحوال الجوية برا صعبة , لو الدنيا حر بيكون رطب و منعش , لو الدنيا برد بيكون دفا , لو حد حاول يرمي عليه أي حاجة أو يهده , معندوش القدرة أنه يهزه حتي , و دايماً أمان , و مش هتضطر تقلق تاني أبداً أو تعمل أي مجهود و أنت جواه, و البيت ده ملكك , لكن لولا أنه فيه كل الميزات دي , عشان يكون ملكك , لازم تهد بيتك القديم الأول , و تاخد الخريطة و تفهمها عشان تمشي علي طريق مش هيكون سهل عشان توصل للبيت ده , و لو وصلتله , هيكون ملكك للأبد .

طبعاً المنطقي أن أي حد يكون عنده الأختيارين دول , طبعاً هياخد التاني لولا أنه هيكون صعب شوية في الأول لغاية لما يوصله .

لكن الحقيقة عكس كده تماماً , معظم الناس بتفضل الأولاني علي التاني , عشان الخوف من المجهول و معتقداتهم اللي مليانة خرافات .

لو أنا هديت البيت ممكن يكون دي كلها خدعة , و بعد كده مش هيكون في بيت جديد ذي ما بيقولوا , و من هنا أنا فقدت كل حاجة , شكراً أنا كده كويس , أنا طول عمري شقيان بس أديني أتعودت خلاص و الدنيا ماشية .

الكلام ده ولا في الأحلام , و معظم الوقت لما الكلام ده بيكون حلو كده , ده معناه أنه كدب , أمشي من هنا

طب خد الخريطة و أتأكد بنفسك !

لا أنت كداب و عايزني بس أعمل ذيك و أهدم بيتي , لأ , و لو ما مشيتش هأبلغ عليك البوليس

نعم مش هأقلق تاني ولا هيكون عندي مشاكل تاني , و كل السنين اللي أشتغلت فيها و أتعلمت فيها و قريت كتب و خدت كورسات عشان أعرف أتعامل مع كل ده مش هيكون ليها لزمة في الاَخر , يعني شقي عمري هيضيع , و هأبقي أنسان عادي في الاَخر , لا شكراً , أنا خلاص كده عرفت أظبط حياتي , وبقيت كويس

مش كنت لسه بتقولي أنك قلقان البيت يحصله حاجة في الشتاء ده ؟

أيوه أيوه أنا بس كنت بأشوف أنت هتعمل أيه السنة دي عشان تحمي بيتك , انا عامل حماية و مش محتاج أي مساعدة .

ما زهئتش من أنك كل شوية تعد تحمي نفسك من البرد و الحر و العواصف دي , و أنك كل شوية تبني بيتك من أول و جديد ؟

طبيعي أي حد بيزهأ , بس خلاص أنا أتعودت علي ده فا عادي !

ايوه بس أنت قدامك فرصة أنك ما تعملش أي حاجة من كل ده تاني , و تكون دايماً في أمان و مستريح .

ممكن يكون كلامك صح , بس الخريطة دي صعب تتفهم , و شكل الطريق اللي بتقول عليه مخيف , و بعدين أنا مش عايز أهد بيتي تاني , و ماحدش عارف أيه اللي علي الطريقة ده , الطريق ممكن يكون صعب , و أنا مش ناقص , أنا فيا اللي مكفيني , و بعدين ما هي الدنيا حلوة أهي .

و هي دي الحقيقة , أننا بنفضل عاداتنا علي أي حاجة تاني , و الخوف من المجهول ممكن يخلينا ما نعملش أي حاجة حتي لو الحاجة دي ممكن تريحنا من مشاكل كتير جداً , لكن قوة التخيل و الأوهام و المعتقدات تقدر تسيطر علي حياة الأنسان كلياً .

و من هنا الخطوة دي وضحت الفرق ما بين الحياة اللي مبنية علي البيت الوهمي للنفس الأمارة اللي عمره ما بيثبت , و عمرنا ما بنحس فيه بالأمان , و بيت الروح أو النفس الحقيقية اللي مربوط بربنا اللي مش بيتغير أبداً , و لو عشنا في البيت ده هنكون دايماً في أمان مهما حصل , و عرفنا ليه ما بنرضاش نختار البيت الأريح , و أيه سبب ده , و من هنا بقي قدامك الطريقة اللي تعرف بيها تاخد القرار الصح من غير ما تنخدع , و تعمل أفضل قرار ممكن تعمله في حياتك , و هو أختيارك للحق .

About Ahmad Salahudin

La Ilaha Ila Allahu
هذا المنشور نشر في 1-حقائق غريبة عن غابة البشرية. حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s