خطوة رقم 16 : الناس هتعاملك ازاي لو عاملتك ذي ما بتعامل نفسك ؟

تنمية بشرية

البشر بيتمنوا الطيبة من بعض , لكن مش طيبين ناحية نفسهم بطريقة رهيبة برفضهم الحقيقة . فيرنون هاورد

تعليقي :

تخيل دلوقتي الموقف ده , أن الطريقة اللي بتعامل بيها نفسك و أنت لوحدك , الناس تقدر تعرفها , و كل الناس اللي بتقابلهم في كل مكان بيعاملوك بظبط بنفس الطريقة .

عمرك شتمت نفسك , أتقرفت من نفسك سواء كان حاجة في شخصيتك أو جسمك أو اللي أنت عملته في حياتك . عمرك أتعصبت علي نفسك , عمرك قعدت لوحدك في أوضة عشان في حاجة  ممشيتش ذي ما أنت عايز, و أكتئبت , و أتغطيت و قعدت تتخيل لساعات أن الدنيا ضلمة و هتفضل دايماً ضلمة عشان أنت هتفضل كده , و كل لما تشوف المستقبل و تحزن منه , تكره نفسك أكتر , طب عمر حد ضحك عليك أو خانك , و فاكر ازاي عاملت نفسك بعد لما عرفت كده , ازاي عاملت نفسك بقرف و كره , و كان نفسك تضرب نفسك لو تقدر و تضرب الشخص اللي عمل فيك كده , او كل شوية قلقان أن ده يحصل تاني كأنك ما وراكش حاجة غير أن أنت تفكر نفسك بكده , طب عمرك أترفضت في شغلانة أو من واحد أو واحدة أو حد أتريق عليك أو بصلك بصة خليتك تكره نفسك , فاكر كويس كنت بتعامل نفسك ازاي ساعتها , ازاي طلعت كل الأسباب اللي من المحتمل يكونوا كارهينها فيك أو سبب الرفض , من كتر ما كنت بتحز في نفسك عشان تعرف هما عملوا كده ليه , و من كتر تعبك من عدم معرفتك السبب بقيت كاره نفسك لأنك مش عارف , و من هنا مابقاش قدامك غير أن أنت تصدق الأحتمالات اللي أنت شايف أنها السبب , ذي فكرتك أنك مش وسيم , و أن أنت مش جميلة كفاية , لياقتكم البدنية مش قد كده , أنتم رفيعين أوي أو تخان أوي , أو ازاي أنتم مش أذكياء , و مبتعرفوش , أنا لازم أتغير حالاً و ما أبقاش كده عشان الناس تحبني عشان أعرف الأقي حد يحبني و أتجوزه أو أتجوزها , أو عشان زوجي أو زوجتي ما تسبنيش , بس أنا مش عارف أتغير ازاي , أتغير ازاي , أنا حاولت قبل كده و فشلت في الموضوع ده  , عملت رجيم و ما نفعش يووه أنا مش عايز أفضل كده , ماحدش هيحبني بالكرش ده , أنا لبسي ضاق أوي , أو أنا بقيت عامل ذي العصاية , أيه القرف ده  بالطريقة دي الناس هتقول عليا أيه ؟ بس أنا مش عارف أتغير لازم أتغير  بقي , أنا مش عايز حد يشوفني بالشكل ده, لو أنت كلت الشوية الزيادة دول الناس هتلاحظ و هيقولوا عليا أني مش عامل رجيم …… الخ الخ

طبعاً الأسئلة دي لولا أنها بتدور في عقل أغلبية البشر ما حدش بيحس بتاثيرها القاتل علينا و أزاي لو تخيلت دلوقتي أن في واحد أتجسد و بقي شخص ذي بقيت الناس , و بقي يعاملك بالظبط بنفس الطريقة اللي كنت بتكلم نفسك بيها مش بعيد تمسك اي حاجة و تضربه بيها , مستحيل تسيبه يكلمك بالطريقة دي , مستحيل حتي أنك تسمحله يقول ربع الكلام ده و تسيبه كده من غير ما حتي تتعصب أو تدي رد فعل سلبي لكلامه , ازاي اي حد يكلمك بالطريقة دي أصلاً

و من هنا الخطوة دي بتدعوك تعمل حاجة عمرك ما عملتها قبل كده , كل الناس نفسها الناس تحبها و تحترمها , تقول عليها كلام حلو , لدرجة أن في ناس ممكن تعد بالساعات تحضر هتقول و هتعمل أيه في الموقف ده أو ده , عشان يمشي صح , و أكبر عدد ممكن من الناس تحبهم , المشكلة في كل ده , أن أنت معملتش كده مع أهم شخص فيهم كلهم ؟

مين ؟

اللي هو أنت

لو في خمسين الف واحد متقبلينك , و أنت مش متقبل نفسك , مهما جمعت قبول من الناس , عمرك ما هتحس بيه غير وقتي , و هترجع تكره نفسك في أول كلمة أنتقادية تطلع أو حتي بصة ملل , أنا عملت ايه غلط , لأ أنا مش عايز أخسره أو أخسرها طب أعمل أيه عشان يفضلوا مبتسمين و مش حاسين بالملل , لا يفتكروا أني ممل , مش عايز حد يفتكر كده عني …الخ الخ !

و عشان كده لازم تبدأ تشوف أنت بتكلم نفسك ازاي لأنك مستحيل تخلي أي حد يكلمك بالطريقة دي , و لو بقيت واعي بكده , معظم العذاب اللي بيتج من تعذيب نفسك هيختفي  , و هتستريح جداً , و هتكون بتحب نفسك مع الوقت , و دي الحاجة الوحيدة اللي أنت محتاجها , لأن ساعتها مش هتحتاج قبول أي حد , و مهما أترفضت , ما دام ما رفضتش نفسك , كأن مفيش أي حاجة حصلت

و من هنا اللي بيخلينا نعمل كده , هو ثقتنا العمياء في نفسنا الأمارة و الشيطان, بنصدق أي حاجة هما بيقولوها لما تتقال , عشان فاكرينهم نفسنا , لكن لو أحنا واعيين بأنهم مش أحنا , مستحيل نقبل حتي الأفكار اللي بتشجعنا نؤذي نفسنا في كل لحظة , و من هنا كل عذابنا النفسي هيختفي بمجرد الوعي بكل ده .

About Ahmad Salahudin

La Ilaha Ila Allahu
هذا المنشور نشر في 1-حقائق غريبة عن غابة البشرية وكلماته الدلالية , , , . حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s