خطوة رقم 13 :الغلط صح و الصح غلط

ششش-001

تسمية الغلط صح , ما بتخليش الأنسان يحس أنه صح , و الغريب أنه عمره ما بيلاحظ كده . فيرنون هاورد

تعليقي :

تخيل نفسك في القصة دي في العصور الوسطي :

ايه اللي هيحصل لو جيت علي مفترق طرق , و كان في قدامك في يافطتين , كل واحدة منهم بترمز للطريق اللي قدامك , و رحت عكست مكان كل واحدة منهم , و بعد كده دخلت في كل طريق منهم لمسافة كبيرة , و كل ما يكون في مفترق طرق و ويكون في كذا يافطة تعكسهم مكان بعض .

و عشان أنت كنت ساعتها في العصور الوسطي , ماكنش في جوجل و خرايطه , عشان أنت شغال في بيع الخرايط , بعدت لما خربت كل العلامات اللي بتؤدي للبلد دي , و كنت كمان متفق مع كذا شرطي في البلد أنهم ما يدوروش وراك عشان هتديهم نصيبهم من المبيعات بتاعت الخرائط الجديدة .

رحت خدت رجلك و رحت لمحلك , و علقت يافطة أن أنت عارف ازاي تروح للبلد دي من غير توهان و لا تضييع وقت بالخريطة الصحيحة , و في نفس الوقت لو حد عايز خدمة أرشاد هيضطر يدفع فلوس أكتر .

طبعاً صاحبنا ده ماكنش طبيعي ده كان طماع لدرجة كبيرة , عشان يخلي الناس يرجعوا يشتروا الخرائط منه تاني , عمل فريق عمل متخصص سماه قطاع طرق أو أرهابيين , و عمل شراكة مع الدولة عشان تندد بأعمالهم السلبية , و الفريق ده اللي بيديره البائع ده و الدولة ,بقي كل أسبوع يخرب اليفط , عشان الناس ترجع تشتري خرائط أو تؤجر مرشدين , و أي مرشد كان بيشتغل برا الشركة بتاعت البياع , أتفق مع الحكومة أنها تقبض عليه , و تقول عليه أنه من فريق الأرهابيين .

 لكن كان في حاجه بتهدد سلطة البياع و الدولة المجرمة دي و أرباحها , كان في مكان في كل دولة من الدول كان فيه قرية , القرية دي كان بيتباع فيها   الخريطة الأم لكل دولة منهم معاها كتاب بيبين كل المعالم اللي تعرف المرشد أو أي شخص ازاي يروح لأي مكان هو عايزه في البلد اللي هوا فيها .

و طبعاً لما عرف البياع كده حاول بأي طريقة بسلطته و سلطة الدولة دي أنهم يقضوا عليهم , لكن معرفوش عشان أكتشفوا أن في ملك دولة عظيمة بيحمي كل قرية من القري ده , حواليها درع مافيش حاجة تقدر تقهره .

و من هنا وصل أن الحل الوحيد , أنه يشيل الطريق للقري دي من كل الخرائط الموجودة في كل حته .

و فعلاً أتفق مع كل دول العالم أنهم يعملوا كده ما عدا صاحب الدولة العظيمة اللي كان بيحمي القري دي , و محاولش يوقفهم عن تخريبهم لأنه كان فاتح الباب لأي شخص عايز يحصل علي الخريطة الأم , لو هو فعلاً عايز يوصلها هويصلها .

و لما البياع الطماع أكتشف أن في نفس كانت بتحاول تبدأ تنشر الخريطة الأم , حس بخطر , و بدأ بأقصي قوته أنه يستخدم سلطته في كل الدول اللي عملت مع دولته تحالف لأن بالطريقة دي لو الموضوع أنتشر كل الناس مش هتشتري الخرائط و الأقتصاد هيقع .

و من هنا قرروا يعملوا حركة فيها مكر شديد , أنهم يسموا كل قرية فيها الخريطة الأم اسم مرعب أو مقرف , ذي أرض الفقر أو قرية الجوع , و عملوا أعلام قوي جداً و مسرحيات بتطلع أشاعات أن جماعة الأرهابيين اللي كانت بتعمل كل التخريبات في اليفط هي اللي أحتلت كل القري دي , و أن الدولة العظيمة اللي بتحميهم كلهم هي دولة الجحيم , و أن اللي بيروح فيها مش بيرجع تاني , و أي حد هيحاول يروحها هيعتبروه مش  من دولتهم و من الأرهابيين .

 و عشان يتأكدوا أن الكلام ده مش هيتغير , أتفقوا مع كل المؤرخين اللي ممكن يرشوهم أنهم يشيلوا كل المعلومات اللي بتأكد أنه كان في قري كويسة في المكان ده , و أي دليل علي وجود الخريطة دي , و قبضوا و قتلوا كل المؤرخين اللي رفضوا ده , و أي حد كان بيجيب سيرة القري دي كان بيتقبض عليه و علي حسب تقديرهم يا كان بيتسجن أو يتعدم .

و بسبب ده الدول دي كلها بقت في قمة الغني , و لولا أنهم قطعوا كل حاجة عن الدولة العظيمة اللي كانت بتحمي القري , كانت عاملة حسابها أنه ده هيحصل و من هنا كانت مكتفية ذاتياً و عندها القدره لكده لفتره كبيرة من الزمن .

و لولا الأرتفاع الرهيب لقوة الدول المتحالفة ضد الدولة العظيمة , و محاولتهم أختراق القري بأي شكل عشان يستريحوا , الدرع كان التكنولوجيا اللي فيه في  كل قرية كانت ضد أي أختراق و عشان يعرفوا يخترقوه كان لازم يحتلوا الدولة العظيمة و طبعاً ده كان صعب جداً .

 لغاية لما جيه اليوم اللي البائع ده بكل الأسرار دي مات, و كان في نسخة  من الخريطة الأم في ورثه , لما أبنه شافها بعنيه , و عرف كل حاجة , مقدرش يستحمل الذنب الرهيب ده , و ماكنش مصدق ازاي أبوه كان بالشر ده , فقرر أنه يعمل أي حاجة عشان يرجع الكنز ذه لكل الناس و ينهي المظلمة دي .

 وعشان الحلفاء الأشرار يساعدوه في خطته للقضاء عليهم لثقتهم في عيلته , قرر أنه يقولهم بعد لما جمعهم كلهم أنا عندي طريقة أقضي بيها علي المدينة  العظيمة , قالوله  ازاي ؟

اللي عاملنا الأزمة الكبري أننا  بنحاول نخبي الخريطة الأم , لكن في حل أسهل خمسين مرة

اللي هوا أيه

ببساطة هنعلن أننا أنتصرنا علي كل القري و غزونا الدولة الأم و محدش هيعرف حاجة لأننا كده كده قاطعين خبرهم و حارسين كل الطرق اللي بتؤدي ليهم عن الناس و متحكمين فيها كلياً,  و طبعاً هنقول للناس أننا أكتشفنا كل أسرارها و لقينا الخريطة اللي كانت عاملة كل الأزمات دي و عرفنا  عبرها أننا نعمل الخريطة الأم اللي هترشدكم كلكم لكل الطرق , و طبعاً بعد لما نعمل كده , هنقدر نغير فيها ذي ما أحنا عايزين لأنها كده كده هتكون غلط .

 فعجبتهم كلهم الفكرة دي و قالوا عايزين نطبع الخريطة دي فوراً .

بذكاء ابن البياع , عرف أنه يعمل عدد محدد لكل الدول و ملوكها المتحالفين بما فيهم الناس اللي في السلطة يكون الخريطة الغلط .

و الخريطة الأم الحقيقية هي اللي تتطبع و تتباع للشعب كله .

و فعلاً نجحت الخطة , و كل الدول عبر ابن البياع و أصدقائه الللي في كل دولة , عرفوا ينشروا الخريطة في كل مكان , و ده خلي كل الناس تلاقي القري , و تعرف أن الدولة العظيمة كانت الدولة الوحيدة اللي فيها خير , و كل الناس لما عرفوا الحقيقة و كدب الحكام اللي كانوا فاكرين أن الخريطة المتفبركه اللي معاهم هي اللي مع الناس هي اللي أتباعت , و من هنا حصلت ثورات أطاحت و قضت علي كل الظلماء , و الدولة العظيمة اللي كانت دايماً نيتها صح ساعدت كل الدول دي في أختيار حاكم عادل , و عمر ما الناس رجعت تتوه تاني .

اللي نستفيده من القصة دي و أيه علاقتها بالمقولة ؟

 الدولة العظيمة دي هي بيتك , و فيها الخريطة الأم عشان تعرف كل حاجة عن حياتك , و ما تتوهش تاني , لكن عشان تعرف تلاقيها لازم تعرف أن أنت ابن البياع , و هتفضل تايه لغاية لما تعرف والدك (النفس) مخبي الخريطة الأم و صعب تلاقيها غير لما يموت أو تعرف تضحك عليه, و تشوف اللي مخبيه , عشان تضحك علي الملوك اللي كانوا تحت سيطرته , ترجع الدول اللي جواك لدولة الخير , و ساعتها بس هتستريح لما كل جزء جواك هيكون ماشي صح علي الخريطة الصح , مش الخريطة المتفبركة اللي كل يوم بتتغير .

About Ahmad Salahudin

La Ilaha Ila Allahu
هذا المنشور نشر في 1-حقائق غريبة عن غابة البشرية. حفظ الرابط الثابت.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s