الخطوة رقم 5 : رد فعلك للأنتقاد بيظهرك

 

10422600_374466609396374_8076420219818975064_n

لاحظ سلوك الشخص لما يتقاله حقائق مش حلوة عن نفسه، وهتعرف الشخص ده فعلاً . فيرنون هاورد

 

تعليقي :
*******

أفكارك الي ما واجهتهاش و بتخوفك أنها ممكن تكون حقيقية عن نفسك أو عن حياتك فا بتهرب منها , و تحاول تشغل نفسك بأي حاجة تانية , سواء رضيت أم أبيت , هتظهر لك في شكل تاني , يا نفس الفكرة هتتقال علي لسان حد تاني , يا هتضطر تواجهها في تحدي في حياتك , و لو الأتنين دول مخلوكش تتعلم الدرس اللي مفروض تتعلمه في مواجهة الفكرة دي بالطريقة الصح , هيبقي هيفضلوا يتكرروا بنفس النمط في أشكال مختلفة لغاية لما يوم من الأيام تتعلم الدرس

جميل طب كل الكلام ده ربنا عاملة لينا عشان يفيدنا ولا ايه لأن الموضوع ده صعب أوي ؟

الحياة عبارة عن مدرسة , و دي الطريقة الوحيدة اللي في أحتمال أنها تفوقنا و تخلينا نتعلم الدرس , و الدرس ده مهم لأننا لما نتعلمه , هيقل الألم اللي جوانا بدرجة لأن الهروب من الفكرة طول حياتنا و عدم مواجهتها و تحديها بيكون حمل بيتخزن و بيتشال علي ظهرنا , و كأن الحمل ده عامل ذي الفحم , كل مرة حد بيجيب سيرته بنحس بحرقة الفحم علي ظهرنا , و بنهاجم الشخص أو الحدث اللي خلانا نفتكر الحمل ده , و نرجع نهرب منه تاني .

و هو ده سبب أن الأنتقاد للشخص و رد فعله تجاه الأنتقاد  بيظهره علي حقيقته , لأنه بيبين ارتقائه في درجات تنقية النفس و الوعي الذاتي لأفكاره و نفسه ,لأن لو معرفش يتعامل صح مع أنتقاده لنفسه , يبقي مش هيعرف يتعامل مع أنتقاد الناس ليه , و ذي ما يهرب من نفسه هيهرب منهم , هيظهر العنف و الغيظ علي وشه اللي مش أكتر من أنه بيحرق نفسه من جوا و بيبين حمل هروبه من أفكاره علي نفسه اللي أنت خليته يحس بيه لمجرد أنتقادك ليه , الغضب و العنف كلهم أشكال مختلفة من الخوف .

أما الشخص الناضج و الواعي ذاتياً بأفكاره , لو الفكرة عرف يتعامل معاها صح جوا عقله , لو حد قالهاله مش هتأثر فيه , و هيكون رد فعله طبيعي من غير أي تأثير عليه كأن نسمه هوا عدت علي وشه .

و من هنا هنرجع تاني لنفس النقطة , الوعي الذاتي بأفكارك و تحديها(أنك تأكد لنفسك انها حقيقية) هو الأساس في الحرية من  العذاب النفسي و القدرة علي التعامل مع أي موقف أو أنتقاد من نفسك أولاً أو الناس .

 

About Ahmad Salahudin

La Ilaha Ila Allahu
هذا المنشور نشر في 1-حقائق غريبة عن غابة البشرية. حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s