الخطوة رقم 1 : حقيقة المجتمع البشري

humansociety

1-حقائق غريبة عن غابة البشرية :

المجتمع البشري ببساطة عبارة عن رجالة و ستات بيمثلوا (علي نفسهم و علي بعض)و عاملين نفسهم مش بيمثلوا. فيرنون هاورد

تعليقي :

عمرك قبل كده كانت حاسس أنك زعلان , مقهور , مش عارف تعمل أيه في حياتك , معندكش هدف مقتنع بيه , حاسس أن كل اللي بتعمله أو عملته لغاية دلوقتي في أحتمال أنه كان تضييع وقت , أو أنك ماكنتش سعيد بأي حاجة في حياتك صغيرة أو كبيرة أو أن السعادة دي مابتدومش, ولولا كل اللي أنت حاسه ده , كنت كل مرة بتكلم فيها صحابك أو أهلك أو صحابك في الشغل , كنت بتمثل أنك عكس كده تماماً , ولولا أن في جزء منك عارف أنه صح , لما حد لاحظ و كان بيلمح علي كده كنت بتتعصب و تدافع عن كلامك و عن صورتك قدام الناس , لأنك كده ممكن يبان أن عندك ضعف أو فشل في جزء في حياتك , ممكن اللي قريبين منك بس هما اللي عارفينه(لولا أنك حاولت تخبيه) , بس فكرة أن حد غريب كمان يعرف – بالذات لو حد مهم – ده معناه أنك ممكن تفقد صورتك و أحترامك قدام الناس أنك مش ناجح في حياتك , فمينفعش أنه حد يعرف . و لما ترجع البيت , وتحس أنك كنت زائف و بتحور عليهم و علي نفسك في موقف معين , تحاول تهرب من الأحساس بأنك تأكل , تتفرج علي فيلم ,تلعب لعبة , تدمن أي حاجة عشان تشغلك , أو في أسوء الحالات تطلع الضغط اللي جواك علي أي حد تاني علي شكل غضب , حقد أو عنف , و ترجع تمثل أنك ذي الفل تاني , و الدايرة مغلقة و مش بتنتهي , لأن معظم الناس مش بتبطل تمثيل . طب أيه تاني يكون دافع لكل ده ؟

أنجح ناس في المجتمع في رأي أغلبية البشر , هما الناس اللي في أعلي المناصب أو الأغنياء أو المشاهير , و معظم الناس فاكرين أن الشهرة أو المنصب أو الغني هما مصدر السعادة اللي مش بتنتهي , و الحقيقة أن معظمهم بيكونوا أنجح الناس في التمثيل/النفاق/ الكذب (كسب ود و قبول أكبر عدد ممكن و اهانة أقل عدد ممكن و دول طبعاً السياسيين أو الأغنياء بتوع التسويق ) و من هنا ده من أكبر الدوافع اللي بتخلي الناس تاخدهم مثل أعلي , اللي مش عارفينه أن الناس دي زيهم بظبط , بس أوحش ميت مرة , و لو , اللي هما بيعملوه كان نجح في أسعادهم كان وقفوا عند حد معين لأن رغباتهم هتكون أشبعت , لكن لللأسف عمرهم ما بطلوا لأن مساعيهم عمرها ما بتنتج السعادة الحقيقية فبيوهموا نفسهم أن يمكن لو كبر شوية تاني هيبقي أحسن (غير طبعاً كابوس أنه يفقد كل ده) , و لو أنت المفروض تدور علي حاجة عندك في البيت لكن طول عمرك طالع برة في الشارع بتدور عليها مستحيل هتلاقيها و لو في نائة سنه , و اللي أغرب من كده أن مثلاً السياسيين دول اللي المفروض ناجحين لما بيجيبوا اخرهم من التمثيل بيروحوا لدكاترة نفسيين هما كمان بيمثلوا أنهم عارفين الحل و عندهم أمراض نفسية أكتر من المرضي بتوعهم ! السؤال هنا مين اللي بيعالج الدكاترة دي ؟ محدش

وأيه المتوقع من كل ده؟

الغابة اللي أنت شايفينها قدامكم و الألم اللي مش بينتهي عند أغلبية الناس بلا أستثناء .

و كل ده بسبب أيه ؟

أنهم بيمثلوا و عاملين نفسهم مش بيمثلوا

و الحل ؟

أول خطوة أنك لو حاسس بحاجة تعترف بيها لنفسك و تبطل تمثيل , مستحيل تحل أي مشكلة لو أنت نتخيل أنك معندكش مشكلة أصلاً , لكن لو أعترفت بيها تقدر تبدأ تشتغل عليها , و هو ده بداية الطريق لتغيير نفسك و الخروج من الغابة دي .

About Ahmad Salahudin

La Ilaha Ila Allahu
هذا المنشور نشر في 1-حقائق غريبة عن غابة البشرية. حفظ الرابط الثابت.

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s